Þetta er ostakakan sem ég ólst upp við, en þegar ég var yngri hafði ég engan áhuga á þessu ljúfmeti. Í dag finnst mér hún æðisleg – súper fljótleg, þægileg og rosalega góð.
Ostakaka alla mamma
150 gr Haust kex eða Digestive kex
125 gr mjúkt smjör
250 ml rjómi
100 gr flórsykur
150 gr rjómaostur
ca 2 dl sulta að eigin vali
Myljið niður kexið, blandið saman smjörinu og kexinu. Þjappið mylsnunni í botninn á springformi.
Rjómaosti og flórsykri hrært saman, rjóminn þeyttur og blandað saman við rjómaostinn.
Rjómablandan sett ofan á kexið og sett í frysti.
Tekið út 1-2 tímum áður en á að borða kökuna og sulta að eigin vali sett ofaná 🙂
Ég notaði 18 cm form þannig að botninn og rjómablandan er aðeins þykkari en ef ég hefði notað standard 24 cm form.
Eldhússystur 
2 athugasemdir á “Ostakakan hennar mömmu”