Hér kemur þriðji og síðasti rétturinn frá indversku bókinni frægu í bili.
Við vorum boðin í mat í sumar hjá vinum okkar og þau höfðu þessa tómata í forrétt og ég og Binni gjörsamlega misstum okkur enda forfallnir koríander fíklar. Ég mæli ekkert sérstaklega með þessum ef fólk er ekki hrifið af kóríander, það nefnilega ber réttinn algerlega uppi. Fyrir ykkur hin: prófið (og notið í alvöru ferskan kóríander!)
Djöflatómatar
Fyrir fjóra
400 gr tómatar (gjarnan af mismunandi stærð)
1 gulur laukur
1 grænt chili
1 krukka ferskur kóríander
Safi úr einum lime-ávexti
1 tsk sykur
1 msk jurtaolía
Sjávarsalt
Skerið tómatana í sneiðar og leggið á disk. Hakkið laukinn smátt. Fræhreinsið chili-ið og skerið smátt. Skerið kóríanderinn smátt.
Blandið sama limesafanum og syrkinum í skál. Þeytið olíuna saman við. Stráið lauk, chilli og kóríander yfir tómatana. Hellið dressingunni yfir og stráið svo sjávarsalti yfir að lokum.
Eldhússystur 