Þessar kökur vöktu lukku í skrímsla bingói hjá dóttur minn og bókstaflega flugu út. Þær eru skemmtilega öðruvísi og heilla unga kannski svolítið meira en aldna
Það sem þarf í þessa uppskrift er:
– Poki af hlaup-ormum
– Súkkulaðimuffins
– 4-6 Oreos
– Glassúr
Súkkulaðimöffins
2 bollar Kornax hveiti
1,5 tsk lyftiduft
0.5 tsk matarsódi
1 tsk salt
1.5 bolli sykur
200 gr smjör/smjörlíki
1 bolli mjólk að eigin vali
2 stór Nesbúegg
2-3 msk kakó
Aðferð:
Kveikt á ofninum 175°c.
Öllum efnum nema eggjum blandað saman í skál og hrært með hrærivél í 2 mín eða þar til allt er vel blandað saman. Eggin látin útí og hrært áfram í ca 2 mín. Fyllið muffinsform 2/3 og bakað í 10-20 min fer eftir stærð formanna sem notuð eru. Kökurnar eru tilbúnar þegar pinna sem stungið er í miðjuna á einni köku kemur hreinn út aftur.
Látið kökurnar kólna.
Hrærið saman 1 bolla af flórsykri, 2 msk kakó og ögn af vatni, bætið við vatni (agnar ögn í einu) þar til allir kekkir eru horfnir og glassúrinn er þykkfljótandi.
Myljið oreos kökurnar þar til þær verða að dufti. Hægt er að setja kökurnar í hrærivél, mylja þær í morteli eða skella þeim í poka og merja þær með kökukefli. Ekki taka kremið í burtu, mulningurinn verður kekkjóttur til að byrja með en haldið áfram og þá verða mulningurinn eins og fín mold.
Smyrjið svolítið af glassúr ofaná hverja muffins, setjið 1/2-1 tsk af oreos dufti ofan á glassúrinn og hlaup orm þar ofaná.
Eldhússystur 