Smjörkrem með hvítu súkkulaði
1 bolli (230 gr) mjúkt smjör
2 bollar (250 gr) flórsykur
3-5 msk rjómi
170 gr hvítt súkkulaði
Bræðið súkkulaðið, látið það standa og leyfið mesta hitanum að fara úr því án þess þó að það harðni aftur.
Þeytið smjörið í hrærivél þar til það er orðið létt og ljóst, tekur ca 3-4 min á mesta hraða. Stillið á miðlungshraða og bætið flórsykrinum saman við smjörið smátt og smátt.
Bætið rjómanum (byrjið á 3 msk) og súkkulaðinu við og þeytið saman við kremið á miðlungshraða í 3-4 min. Stoppið inn á milli og skafið kremið niður hliðarnar. Ef kremið er of þykkt er hægt að þeyta meiri rjóma saman við.
Skreytið köku eða cupcakes með kreminu og látið ímyndunaraflið ráða ferð.
Ég nota gjarnan þessa uppskrift fyrir kökur með smjörkremi.
Eldhússystur 