Brún lagkaka/randalína
(Þessi uppskrift er stór, það má vel helminga hana, baka á tveimur ofnplötum, og skera hvorn kökubotn í tvennt til að búa til fjóra kökubotna. Sennilega mætti líka búa bara til fjórðung og baka á einni plötu ef því er að skipta og skipta þeim botni í fjóra jafna hluta :).
Kökubotnar
400 gr smjörlíki
300 gr sykur
9 msk aquafab
400 gr síróp
1 kg hveiti
3 tsk hjartarsalt
1 tsk negull
1 tsk kanill
1 tsk engifer
3 msk kakó
Smjörkrem
1 kg flórsykur
500 gr smjörlíki, við stofuhita.
4 msk síróp
1 tsk vanilludropar
1. Kökubotnar: Öllum hráefnum hrært saman í hrærivél þar til úr verður þykkt deig.
2. Deiginu skipt í 4 jafna hluta og hver hluti flattur út á bökunarpappír (sem er jafnstór og ofnskúffan sem kakan er bökuð í). Sjá mynd að neðan. Best er að setja deigið á bökunarpappír og fletja það út/dreifa vel úr því með höndunum til að byrja með. Svo er annar bökunarpappír settur ofan á og deigið flatt út með kökukefli til að ná því jöfnu og sléttu.
3. Hver hluti deigsins bakaður við 175°c (á undir og yfirhita, ekki blæstri) í ca. 10 mínútur, neðst í ofninum. Látið botnana kólna vel.
4. Krem: Flórsykri og smjörlíki hrært vel saman. Sírópi bætt út í smásaman og allt hrært vel þar til kremið er slétt.
5. Kakan sett saman: Kreminu skipt í þrjá jafna hluta (gott að vikta) og smurt á kökubotnana, sem er staflað saman – neðsti kökubotninn er á hvolfi og svo einn á eftir öðrum með kremi á milli, endið á kökubotni. Kantarnir eru skornir af og kakan er svo skorin ca 8 jafna bita (smekksatriði). Til að mýkja kökuna aðeins upp áður en hún er skorin má setja blautt viskastykki yfir hana í dálitla stund. Kakan geymis aftar vel í frysti 🙂
Eldhússystur 
Ein athugasemd á “Brún lagkaka/randalína(v)”