Aðalréttir · Pastaréttir

Makkarónur með osti (Mac and cheese)


Mac and cheese

Ég held maður þurfi að vera algerlega ónæmur fyrir áhrifum amerískra fjölmiðla á mann til að vita ekki hvað makkarónur með osti er. Það hefur sennilega verið eftir að ég sá/heyrði talaði um þetta í u.þ.b. þúsundasta skiptið sem ég ákvað að finna uppskrift til að prófa fyrir mörgum árum. Þetta er klárlega svona „what’s not to love“-réttur, pasta fljótandi í cheddar-ostasósu! Ég meina, er hægt að finnast þetta ekki gott?

Ég hef ekki eldað þetta mjög lengi en Binni var að vinna frameftir í síðustu viku og þar sem það átti að rigna hundum og köttum sama dag fannst mér upplagt að elda svona kósý-mat fyrir mig og börnin. Vildi reyndar svo til að það kom ekki dropi úr lofti og var heiðskýrt og 25 stiga hiti þannig að við sátum og borðuðum rjúkandi heitt mac and cheese í sumarveðrinu, neyðist bara til að elda þetta aftur þegar lengra er liðið á haustið 😉 Það eru auðvitað til jafn margar svona uppskriftir á netinu og fólkið er margt en þessi var mjög vel heppnuð  og rann vægast sagt ljúflega niður hjá ungum og sjálfri mér (og svo sagði bóndinn að þetta hefði verið einstaklega gott daginn eftir!).

Makkarónur með osti (Mac and cheese)
Fyrir 5-6

250 gr makkarónur
3 msk smjör
30 gr hveiti
1/2 tsk salt
2 tsk dijonsinnep
Pipar
1/4 tsk reykt paprika
625 ml mjólk
350 gr cheddar ostur, rifinn (eða annar sæmilega feitur ostur)
2 dl brauðrasp
2 msk smjör

Sjóðið pasta skv. leiðbeiningum á pakkningunum (passið að ofsjóða ekki, það er lítið varið í ofsoðið pasta í þessum rétti). Hellið vatninu af og skolið upp úr köldu vatni. Leggið til hliðar.

Hitið ofninn í 190 c.

Bræðið smjörið á miðlungshita í potti. Hrærið hveitinu út í þar til vel blandað saman við smjörið. Hellið mjólkinni út í og hrærið stanslaust í nokkrar mínútur þar til sósan hefur þykknað vel. Bætið kryddinu og sinnepinu út í og hrærið. Setjið  2/3 af ostinum út í sósuna og hrærið þar til osturinn hefur bráðnað. Bætið makkarónunum út í og hrærið til að blanda vel saman.

Setjið helminginn af makkarónunum í smurt eldfast mót og setjið helminginn af ostinum sem eftir er yfir. Setjið hinn helminginn af makkórununum yfir og restina af ostinum.

Blandið brauðraspinu og 2,5 msk af smjöri saman og dreifið yfir makkarónurnar og bakið í 25 – 30 mínútur eða þar til gullinbrúnt.

Ein athugasemd á “Makkarónur með osti (Mac and cheese)

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s