Ég baka alltaf naan-brauð þegar við eldum indverskan mat (og reyndar oft með öðrum mat líka, þá sérstaklega súpum) og er búin að prófa nokkrar mismunandi uppskriftir. Þegar ég fékk nýju indversku bókina um daginn ákvað ég að prófa uppskriftina í þeirri bók og ég er ekki frá því að þetta sé núna orðin uppáhálds uppskriftin mín, allavega í bili 🙂
Naan-brauð
Ca. 10 brauð
2,5 tsk þurrger/ 25 gr ferskt ger
2 dl vatn
2 tsk sykur
1,5 dl hrein jógúrt/ab mjólk
1 egg
50 gr smjör, brætt
7 dl hveiti
1/2 tsk salt
Aðferð
Blandið sama vatni, geri og sykri (má líka blanda þurrgerinu beint út í hveitið). Bætið jógúrt, eggi, smjöri, hveiti og salti út í hnoðið vel, deigið á að vera klístrað. Látið hefa sig í 2 tíma (ég stytti þann tíma með því að setja skálina yfir heitt vatn).
Setjið ofninn á 250 gr. Setjið matarolíu á hendurnar og búið til litlar bollur úr deiginu, ca. 10. Fletjið svo bollurnar út á hveitistráðu borði. Setjið á ofnskúffu og bakið í ca. 10 mínútur eða þar til gullinbrún.
Penslið með hvítlaukssmjöri og stráið sjávarsalti yfir þegar brauðin koma úr ofninum.
Eldhússystur 