Græðgin grípur mann stundum og þá er aldrei að vita hvað verður til í eldhúsinu. Fyrir jól fékk ég litla smákökuuppskriftabók með hemabakat blaðinu mínu, í henni fann ég uppskrift að stökkum hafraflögum sem heita á frummálinu knäckiga havreflarn. Þessar smákökur eru meira eins og konfekt heldur en kökur en þær vöktu mikla lukku. Mér tókst að skemma helminginn af uppskriftinni með því að taka þær of snemma út úr ofninum þannig að passið ykkur að gefa þeim nægan tíma.
Stökkar hafraflögur
75 gr smjör
1 dl sykur
1/2 tsk lyftiduft
1 dl hveiti
1 dl hafrar
2 msk rjómi
2 msk síróp
ca 50 gr súkkulaði til að skreyta með
Aðferð
Stillið ofninn á 175°c.
Bræðið smjörið í potti og hrærið öllum innihaldsefnunum saman við.
Setjið degið á bökunnarpappír með teskeið, passið að hafa langt á milli þar sem deigið rennur út.
Bakið í 7-10 min.
Látið kökurnar kólna. Á meðan kökurnar kólna er sniðugt að leggja nokkrar kökur á kökukefli til að þær verði smá bognar.
Bræðið súkkulaðið og dífið köntunum í súkkulaðið.
