Mjúkar súkkulaðibitakökur

Eftir síðustu færslu fékk ég sérstaka beiðni um að deila uppskriftinni að „einhverri albestu súkkulaðismákökuuppskrift sem ég hef smakkað“ sem ég minntist á og ég ákvað að drífa í að birta hana áður en þetta gleymdist. Uppskriftin kemur eins og hin úr Sally’s cookie addiction og ég lofa því að hún er fáránleg góð 🙂

Mjúkar súkkulaðibitakökur

• 270 gr hveiti
• 1,5 tsk maízena mjöl (má sleppa)
• 1 tsk matarsódi
• 1/2 tsk salt
• 180 gr smjör, brætt
• 170 gr ljós púðursykur
• 50 gr sykur
• 1 egg + 1 eggjarauða
• 2 tsk vanillusykur
• 240 gr súkkulaðibitar

Blandið saman hveiti, maízena mjöli, matarsóda, vanillusykri og salti í skál. Setjið til hliðar.

Þeytið saman sykur og smjör þar til vel blandað. Þeytið egginu og eggjarauðunni saman við.

Bætið þurrefnunum út í smjörblönduna og blandið saman með sleif eða sleikju. Bætið súkkulaðibitunum út í. Setjið filmu yfir skálina og kælið deigið í ca. 2 klst. Ef þið kælið það lengur en 4 klst þurfið þið að leyfa því að standa við stofuhita í ca. 30 mínútur.

Stillið ofninn á 170°c. Setjið ca. 2 msk af deigi fyrir hverja köku á bökunarplötu og bakið í 12 – 13 mín. eða þar til kökurnar eru farnar að brúnast. Miðjan á kökunum á að vera mjúk.

Njótið 🙂