Enn ein uppskriftin úr Magnolíabókinni minni 🙂 Að þessu sinni prófaði ég þessa muffins uppskrift en þau reyndust ótrúlega djúsí – alveg greinilega að rjómaosturinn í þeim var að gera sitt 😉 Finnst reyndar fyndið að í bókinni stendur að þetta hafi verið vinsælasti morgunmaturinn sem þau buðu upp á í bakaríinu, ekki alveg það sem ég myndi skella á borðið snemma morguns en jæja, sinn er siður í hverju landi…
Muffins með rjómaosti og hindberjasultu
4,4 dl kornax hveiti
1 tsk lyftiduft
0,5 tsk matarsódi
¼ tsk salt
250 gr rjómaostur
130 gr smjör, mjúkt
1 bolli sykur
2 egg
0,6 dl mjólk
½ tsk vanilludropar
Hindberjasulta
Flórsykur
———
Stillið ofninn á 175°c
Blandið saman hveiti, lyfitdufti, matarsóda og salti í skál. Setjið til hliðar.
Þeytið saman rjómaosti, smjöri og sykri þangað til vel blandað, ca. 3 mínútur. Bætið eggjunum út í, einu í einu og þeytið vel á milli. Bætið þurrefnunum út í tveimur skömmtum og setjið mjólkina og vanilludropana út í á milli. Blandið vel saman. Setjið í muffinsform og fyllið u.þ.b. 2/3 af forminu. Setjið nokkrar doppur af hindberjasultu á hverja köku og notið svo hníf til að “swirla” sultunni í hverja köku (þ.e. dragið hnífinn í gegnum sultana). Bakið í 25 – 30 mínútur eða þar til prjónn kemur hreinn upp úr kökunni.
Leyfið muffinsunum að kólna áður en þið stráið smá flórsykri yfir þau upp á skraut.
Eldhússystur 