Vinkona mín bað mig sérstaklega um að setja hingað inn uppskriftina af mömmukökunum sem ég baka um hver jól. Henni finnst þær víst ægilega góðar. Og hvernig getur maður annað en orðið við slíkri beiðni?
Mömmukökurnar mínar (sem koma að sjálfsögðu frá mömmu minni, en ekki hvað 😉 ) eru í raun bara sírópskökur. Í flestum öðrum uppskriftum sem ég hef séð af þessum kökum er a.m.k. engifer og oft kanill og negull líka. Ekkert svoleiðis hjá mér hins vegar 🙂
Mömmukökur
1,2 kg hveiti
250 gr. sykur
4 tsk sódaduft
150 gr. smjör, mjúkt.
4 egg
2 bollar síróp (ylvolgt).
Öllum hráefnum blandað saman, þau hnoðuð (ég set þetta auðvitað í kitchen-aidið og læt hana svitna, en það má örugglega hnoða þetta í höndunum líka). Flatt út fremur þunnt og skornar út hringlaga kökur. Bakað við 160 gr.
Kökurnar eru settar saman með smjörkremi á milli. Ég nota ekki eggjarauðu í mitt smjörkrem en venjulegar smjörkremsuppskriftir kalla yfirleitt á slíkt. Í staðinn nota ég oftast bara mjólk, nokkrar msk.
Smjörkrem
500 gr flórsykur
250 gr smjör
1 eggjarauða EÐA 2 msk mjólk
Orlítill vanillusykur/vanilludropa
Allt hrært saman.
Eldhússystur 
Frábær uppskrift, vantar bara tímann í ofni 🙂
Satt er það Einar 🙂 Ofnar eru mismunandi og þykktin à deginu getur einig verið breitileg milli bakara. Þess vegna er gott að fylgjast vel með fyrstu plötunni og taka tíman. Gott er að miða við 5-10 min.
Þetta eru bestu – langbestu kökurnar sem ég hef smakkað 🙂 hlakka mikið til að henda í þessar og borða þær. Vá hvað ég er spennt 🙂
Mér finnst svo gaman að heyra það, kæra Arndís! Deildu því endilega með okkur þegar þú leggur af stað í mömmukökugerðina á næstu vikum 😀